Pérez da erlec'hiañ Hamilton e McLaren e 2013

Sergio Pérez gant Niki Lauda war podium Italia

   Disklêriet e oa bet gant McLaren Gwener d'an 28 a viz Gwengolo e vlenio ar Mec'hikan Sergio Pérez evit ar skipailh Saoz a-benn 2013 ha "bloavezhioù war-lec'h" ar pezh n'eo ket bet sklaeriet na gant McLaren na gant Pérez.

"Evurus on rak sinet em eus gant McLaren" a lâre Pérez. "Unan eus ar skipailhoù meurañ e Formulenn 1 eo McLaren. Abaoe 40 bloaz e huñvre ar vlenierien bleniañ evitañ un deiz bennak hag un enor bras a zo roet din blenien e-kichen Jenson Button e 2013."

"E-pad ar bloavezh-mañ (2012) em eus klasket diskouez ma zalant, o chom avat munut hag oc'h en em dolpiñ war ar pezh e oan oc'h ober. C'hoant am eus da drugarekaat Peter Sauber ha pep ezel skipailh Sauber evit o fiziañs ennon hag evit kaout roet din ur chañs e F1." a lâr ouzhpenn.

Diskouez a ra ar c'heleier-se a zo Hamilton dindan mont da vMercedes evit erlec'hiañ Michael Schumacher a zeuio da vezañ rener sportel marteze, ar pezh a oa bet soñjet e-barzh meur a dud miz zo. Sauber en deus marteze kavet ur blenier evit erlec'hiañ Pérez gant Alguersuari, a lâre ur sizhun zo a oa bet kavet ur plas e-barzh ur skipailh "a ra berzh o kaout poentoù alies". An dibab-se ne vo ket fall emichañs peogwir en doa esaeet Alguersuari bandennoù-rod nevez evit 2013 e-pad ar bloavezh-mañ.

Mammenn ha skeudenn tapet gant Motorsport Nextgen Auto.

Vettel oc'h en em adlañsañ (Priz Bras Singapour 2012)

Mirout a ra Alonso penn ar gevezadeg.

  Priz Bras Singapour a zo unan eus ar redadegoù Formulenn 1 dedennañ, hag unan a sav tabutoù ar muiañ. Priz Bras noz nemetañ, gwelet e vez gant ul lodenn evel Priz Bras bravañ, ha gant ul lodenn all evel ur gwalleur ekologel grevus (ar re-se a sell ouzh ar Formulenn 1 evel ur gudenn ekologel dija). Dresit-holl eo ar Priz Bras-se skouer un doare nevez da aozañ redadegoù F1 deuet gant Bernie Ecclestone, rener Formula One Management, a ren armerzh ar Formulenn 1, hag a sell ouzh ar F1 evel ur sport-arvest. Emgav nevez ar re vrudet eo deuet da vezañ Singapour, gant Monako, met ur redadeg a oa ivez.

Sebastian Vettel dirak Jenson Button.

  Daoust ma oa bet mestroniet da gentañ gant Lewis Hamilton (McLaren-Mercedes) a oa bet gounezet ar redadeg gant Sebastian Vettel (Red Bull-Renault) Disul d'ar 23 a viz Gwengolo. Jenson Button (McLaren-Mercedes) ha Fernando Alonso (Ferrari) a ya war ar podium e-kichen Vettel. Paul di Resta, ar Skosiz, a ra e zisoc'h gwellañ e Formulenn 1 o echuiñ 4e gant e Force India-Mercedes. Nico Rosberg (Mercedes) a echu 5vet, heuliet gant Lotusoù-Renault Kimi Räikkönen ha Romain Grosjean. Felipe Massa (Ferrari) n'en doa ket titret mat an deiz a-raok met echuiñ a ra 8vet, dirak Daniel Ricciardo (Toro Rosso-Ferrari) ha Sergio Pérez (Sauber-Ferrari). Merket a oa bet ar redadeg gant 5 dilezel, abalamour da wallzarvoudoù pe da gudennoù mekanik peogwir eo start-tre troiad kêr Singapour evit an dud hag ar kirri.

Diverradenn ar redadeg

Alies e vez start disparti Singapour.

  Kroget mat a oa ar redadeg gant Lewis Hamilton, en doa graet ar plas pol Disadorn dirak Pastor Maldonado (Williams-Renault) ha Sebastian Vettel. Un disparti fur a zo bet graet gant an holl, dreist-holl gant Pastor Maldonado (ken fur a zo bet kollet un nebeud plasoù gantañ) ha gant Romain Grosjean (Lotus-Renault). An daou zen-se a oa bet remerket dija evit o disparti kalet ha dañjerus, hag an hini diwezhañ a oa bet zoken kastizet gant ur Priz Bras skarzhañ kuit evit ar gwallzarvoud en deus graet e Bro-Velgia, daou redadeg a-raok. Kemera ra Hamilton penn ar redadeg diouzhtu dirak Vettel, Button, Maldonado hag Alonso.

Rankout a ra McLaren adwelout e girri evit redadeg Bro-Japan.

 

  An traoù avat n'int ket peurbadelezh er sportoù, ha ma oa Hamilton e penn ar jeu e Monza, en Italia, div sizhun a-raok, n'eo ket mui e Singapour. Ur gudenn boest al lizhiri a laka anezhañ da welout ar redadeg war skramm McLaren. Kemer a ra neuze Vettel penn ar redadeg, betek donedigezh karr ar savete war an troiad en abeg da wallzarvoud Narain Karthikeyan (HRT-Cosworth) en doa distrujet e garr war ar reilh.

Gwallzarvoud Jean-Eric Vergne ha Michael Schumacher

  Tost an holl blenierien e penn ar jeu a ya d'ar standoù evit cheñch o bandennoù-rod, nemet Alonso, a ya war ar podium en trede blas. Chom a ra karr ar savete e-pad pell, amzer awalc'h evit lakaat Williams da welout kudenn sistem dre-zour karr Maldonado a rank dilezel ar redadeg. N'eus amzer ebet da brofitañ disparti karr ar savete peogwir eo surprenet Michael Schumacher (Mercedes) gant e starderez ha skeiñ a ra e-barzh karr Jean-Eric Vergne (Toro Rosso-Ferrari) ha neuze e tistro karr ar savete evit ur mareig ouzhpenn.

  Adlañset eo bet ar redadeg evit gwir evit gwelout ar gall Romain Grosjean lezel e blas d'e genskipailher ar finlandiz Kimi Räikkönen, a zo e trede blas ar gevezadeg. Stourmoù fall a zo etre Sergio Pérez, Kamui Kobayashi (Sauber-Ferrari), Nico Hülkenberg (Force India-Mercedes) ha Mark Webber (Red Bull-Renault). E-barzh an daou Sauber a sko Hülkenberg o tistrujañ e askell dirak.

Dibalet en deus Mark Webber er-maez an troiad, ar pezh a zo arabat.

  Gounit a ra neuze Vettel e redadeg kentañ abaoe miz Ebrel, e eil hini er bloavezh-mañ, o adkemer 10 poent da Alonso a chom e penn ar gevezadeg, 29 poent a-raok Vettel.

Dre chañs en deus gounezet Vettel ar wech-mañ

Buan ha buan....

RED BULL-RENAULT

Ur redadeg mat evit Red Bull daoust ma na ra ket Webber ken mat ha Vettel. Buan eo ar c'harr, koulskoude eo ar skipailh-se un tammig nec'het gant kudennoù teknikel war ar c'heflusker. E penn kevezadeg ar saverien emañ kalz dirak McLaren, ha d'am soñj ne vot ket tu dilojañ anezho eus ar plas-se.

Sebastian Vettel (1) : Ur redadeg o c'hortoz da gentañ, gant un disparti mat a lakae anezhañ en Eil blas o kemer plas Maldonado. Gwir n'eo deuet Vettel da vezañ trec'hour nemet gant dilezel Hamilton, met gwir eo ivez e oa buanoc'h eget ar re-all e eil lodenn ar redadeg. An trec'h se a ra vat da Vettel hag adlañset eo evit dont da vezañ marteze Kampion bed evit en trede wech.

Mark Webber (11) : Diaesoc'h e oa an traoù evit an Aostralian. E zisparti ne oa ket mat ha n'en deus ket graet berzh evit bezañ tost ouzh ar re wellañ. Koulskoude en deus roet Webber deomp arvest mat o stourm gant ar re all, hag a wechoù gant askelloù torret, hag ivez un dibal er-maez ar reolennoù, kastizet gant 20 eilen muiet d'e amzer redadeg.

McLAREN-MERCEDES
Sur eo, buan-tre eo ar MP4-27, pol Hamilton a ro un testeni mat diwar-benn kevezusted karr Woking, ar pezh avat a zo torr-penn evit tud Martin Whitmarsh a zo n'eo ket fiziapl ar kirri. Dilezelet en doa Button ar redadeg en Italia abalamour d'ur gudenn blomenn strilheoul, hag e Singapour e rankout Hamilton dilezel en abeg d'ur gudenn voest al lizhiri. Aze emañ an dalc'h evit McLaren evit kaout titl ar vlenierien ha titl ar saverien.
Jenson Button (2) : N'eo ket ken buan Button hag Hamilton, met pa ya mat an traoù emañ aze atav. Ur wech all e brou Button e c'hell reiñ sikour da VcLaren pa ne ya ket an traoù en-dro. Kemer a ra eil blas ar Priz Bras goude ur redadeg a-dreñv Vettel hep bezañ laosket pell war e lec'h. Lâret en deus e tilezele e huñvreoù titl ar vlenierien evit sikour Hamilton.
Lewis Hamilton (D) : Goude Priz Bras Italia eo teu an dour da vezañ euzhus evit ar Saoz. Daoust ma en doa graet ar plas pol Disadorn en deus ranket dilezel ur redadeg e lec'h ma oa e penn adalek an disparti. E voest al lizhiri he deus treitouret anezhañ ha diaesoc'h eo an traoù evit ar gevezadeg.

FERRARI
Ur redadeg diaesoc'h evit ar Scuderia, e-keñver Priz Bras Italia. Ne oa ket ken kevezus ar c'harr, ha ne oa ket tu da gaout gwelloc'h eget ur pempvet plas war ar gael. E-pad ar redadeg, ur strategiezh mat ha labour Alonso o deus graet berzh met rankout a ra ar skipailh gwellaat ar c'harr ma en deus c'hoant da dapout titl ar vlenierien.
Fernando Alonso (3) : Gant poan a oa bet tapet ar podium-se gant Alonso, a seblante atav laosket war-lec'h ar re all hep gouzout penaos adtapout anezho. Da drugarez da zilezeloù Maldonado hag Hamilton, met gourdrouzet gant Di Resta, a chom Alonso 29 poent dirak Vettel, o kemer 15 poent da Hamilton ar pezh n'eo ket fall a-raok Priz Bras Japan e lec'h ma vije bezañ ar Ferrari gwelloc'h.
Felipe Massa (8)  : Ar Brazilian a seblante gwelloc'h ar redadegoù diwezhañ gant ur c'harr kevezus met evel just a oa diaesoc'h an traoù e Singapour. Chomet eo Massa e Q2 (Qualifying 2, eil lodenn an abadenn titriñ) met echuet en deus e-barzh ar poentoù ar pezh n'eo ket fall. Un dra marteze a ziskouez pe poan Massa evit bezañ kevezus, pe e galon, eo e zibal war Senna. Massa en doa troc'het un tammig ur gornplegenn ar pezh ar roe dezhañ muioc'h a dizh met ne oa ket tu da zibalañ goude-se peogwir e oa ken strizh an troiad. Aet eo Massa d'ar stourm n'eus forzh penaos, o vakañ ar gwallzarvoud war nebeud, met graet eo oa bet an dibal. Ne oa netra da gastiz met marteze ur berz bihan a vije mat evit Massa.

MERCEDES
Evel boaz en deus graet Mercedes AMG redadegoù "kuzhet", didrouz, met gant poentoù a-benn ar fin. Daoust e drec'h e penn kentañ ar bloavezh a denn 2012 ouzh 2011 ha 2010, ur c'harr gwelloc'h eget re ar skipailhoù bihan met nebeutoc'h mat eget an "top teams".
Michael Schumacher (D) : Petra a c'hoarvez da Vichael Schumacher pa ya e Singapour, setu ur goulenn mat ! Tri bloavezh, tri gwallzarvoud ! Disul en doa skoet e-barzh Jean-Eric Vergne goude hantererezh karr ar savete, en abeg d'e starderezioù yen. Kastizet eo bet evit redadeg Suzuka gant 10 plas war ar gael.
Nico Rosberg (5)  : N'eo ket Rosberg ar c'hampion dispar a oa bet gwerzhet e 2005 pa oa kampion GP2, dre sur, koulskoude a ra redadegoù didrouz gant poentoù er fin, evel honnezh.

LOTUS-RENAULT
Kollet eo bet amzer gant Lotus evit labourat war e zDRS-doubl ha neuze en doa kollet ar c'harr e gevesusted. Abalamour da se eo bet tapet ar poentoù gant an daou vlenier, hep bezañ e penn ar jeu koulskoude. Ret eo gwellaat ar c'harr ma o deus c'hoant da gemer plas Ferrari en trede blas (evel ma lâret Eric Boullier) hag evit stourm evit an titl evit Räikkönen.
Kimi Räikkönen (6) : Graet en deus Räikkönen e Gimi. Ne oa ket mat-tre an abadenn ditriñ met echu a ra mat Räikkönen e redadegoù ha neuze e echu 6vet ar wezh-mañ. Mirout a ra chañsoù evit bezañ titlet e fin ar bloavezh, met hep trec'h e vo diaes an traoù evitañ.
Romain Grosjean (7) : Grosjean a oa eveshaet an dibenn-sizhun-mañ en abeg d'e gastiz. Ur redadeg a-dreñv moger ar standoù a ranker tremen Grosjean e Monza abalamour d'e wallzarvoud e Spa. Fur a oa e redadeg ar wezh-mañ ha sur eo (ha n'eo ket marteze) e adkavo Grosjean e live gwir ar redadegoù war-lec'h, furoc'h avat. Graet en deus ivez ouzh c'hoarioù e skipailh o lezel Räikkönen tremen evit ar 6vet plas, hag ar pezh-se a ziskouez e vicheregezh.

FORCE INDIA-MERCEDES
Evel boaz a ra Force India un eil lodenn ar bloavezh gwelloc'h eget an hini kentañ. Gant daou blenier yaouank met kevezus-tre a ya mat an traoù evit ar skipailh indianat daoust ma vo bet kollet gantañ e 6vet plas er gevezadeg evit Sauber.
Paul di Resta (4) : E zisoc'h gwellañ e Formulenn 1 eo hennezh. Ar Skosat en deus graet ur redadeg mat ha fur war-lec'h Alonso ha Di Resta a c'hellje bezañ dañjerus evit blenier ar Scuderia zoken. Lâret en deus ivez a oa tu d'ober ur podium hep kudennoù harzoù er standoù, dre ma oa harpet gant Rosberg e-pad ur mareig.
Nico Hülkenberg (14) : Daoust ma'z eo  ken talentet an Alaman hag ar Skosat n'en deus ket graet Hülkenberg memes berzh. Ur redadeg mat en deus graet betek ar fin, met tapet e oa bet e-barzh stourmoù blenierien Sauber ha Mark Webber, ha kollet a oa bet e askell ganto. A-benn ar fin eo domaj evitañ peogwir e verite gwelloc'h.

SAUBER-FERRARI
Traoù a cheñch re vuan e Formulenn 1 a-wechoù. Dindan gouloù a oa Sauber en Italia gant podium Pérez ha gant poan eo bet tapet ar poentoù ar wezh-mañ (ha da drugarez da gastiz Webber). Emichañs e vo kevezusoc'h ar c'harr e Bro-Japan hag evit ar redadegoù war-lec'h.
Kamui Kobayashi (13) : Poan en deus Kobayashi ar bloavezh-mañ. Ur redadeg a-dreñv en deus graet ur wezh ouzhpenn, gant poentoù er fin avat, met tapet a oa bet e-barzh darvezetoù Webber, Hülkenberg ha Pérez ha kollet a oa bet ar poentoù ganin.
Sergio Pérez (10)  : Ur redadeg heñvel ouzh hini Kobayashi gant hennezh, gant ur strategiezh bandennoù-rod ne oa ket aet en dro. Tapet ivez e-barzh darvezetoù Webber, Hülkenberg a oa, met kemer a ra ur poent dre gastiz Webber.

Da vezañ kendalc'het....

An holl skeudennoù tapet digant Motorsport Nextgen Auto.

Degemer mat !

Disparti Priz Bras Italia 2012

 Kregiñ gant un dra nevez a zo atav iskis met reiñ a ra kalz plijadur.

Kalz plijadur am eus evit gwir kinnig ur blog nevez e brezhoneg, war un danvez ne oa ket bet graet alies a-raok, ar redadegoù kirri hag ar Formulenn 1 dreist-holl. Lâret e veze e oa ar brezhoneg ur yezh kozh evel ar bed, met din-me eo ur yezh yaouank evel ur babig peogwir ez eus kalz traoù da ijinañ, da gontañ evit ar wech kentañ, ha kalz traoù da gavout evit kenderc'hel kaout ur yezh modern ha startijenn ganti. Hag evit kaout startijenn e rank an dud komz diwar an traoù int zo ganto.

Sot on gant ar redadegoù kirri abaoe ma bugaleaj. Ma Friz Bras kentañ a oa hini Breizh-Veur 1999, hini gwallzarvoud grevus Michael Schumacher. Goude ur c'hrog start evel hennez em eus dizoloet tamm ha tamm ar Formulenn 1 e-pad an daou vloavezh war-lerc'h hag  abaoe ar mare-se n'hallan ket mont da besketa Disul paz eus ur Priz Bras. Heuliet em eus bloavezhioù o vestroni Michael Schumacher war Ferrari, gwelet em eus Fernando Alonso gounit e daou ditl, ha goude-se stourmoù Kimi Räikkönen, Lewis Hamilton, Jenson Button, Sebastian Vettel, Mark Webber evit an titloù. C'hoant am boa kenderc'hel sellout ouzh ar Prizioù Bras evel just, met c'hoant am boa ivez komz diwar ar F1.

Abaoe 2010 e teskan brezhoneg er Skol-Veur. En Aotreegezh 3 emaon bremañ met kenderc'hel a ran teskiñ ha pleustriñ war ar yezh. Skrivañ a ran un tammig war wikipedia e brezhoneg, dreist-holl diwar ar Formulenn 1 hag ar blog-mañ a zo un tammig evit kenderc'hel al labour-se en un doare-all. Peogwir emaon c'hoazh o teskiñ e tegemerin ar reizhadennoù a c'hallfe dont war ar yezh gant plijadur.

Poent eo din echuiñ an destenn-mañ ha kregiñ gant an danvez evit gwir....

Trugarez deoc'h evit lenn ha mar plij kredit lakaat notennoù e traoñ ar pennadaoù !



Holl skeudennoù tapet diwar Motorsport Nextgen Auto.